• БАШ БИТ
  • Сәхифәләр
  • Элемтә
  • Язылу
Ирек мәйданы
Бүген: 24.10.2021
  • БАШ БИТ
  • Сәхифәләр
  • Элемтә
  • Язылу
No Result
View All Result
Ирек мәйданы
No Result
View All Result
Ирек мәйданы
Баш бит Хәбәрләр

Мәчетләрдә балалар өчен җәйге курслар ачылды.

Мәчетләрдә балалар өчен җәйге курслар ачылды.

Хәбәрләр

19 июнь-2 августта Биләрдә «Сәләт» X Халыкара яшьләр белем бирү форумы узачак

Россиядә «Үлемсез полк» акциясе традицион форматта булмый

Казан җилкәнчеләре Җир шарын әйләнеп чыкты

Апас районында XIII Театраль Сабантуй була

Мәчетләрдә балалар өчен җәйге курслар ачылды.

Роспотребнадзор: Covid-19 эпидемиясен тулысынча җиңәр өчен бары тик массакүләм вакцинация гына ярдәм итәчәк

Рубрикалар

  • Бакчачы почмагы
  • Иман нуры
  • Матур туган ягым
  • Сәламәтлек
  • Сәхнә арты
  • Спорт
  • Табигать шифасы
  • Татар дөньясы
  • Тату гаилә
  • Тәмлетамак
  • Төрлесеннән
  • Тырышкан табар
  • Хатлар эзеннән
  • Хәбәрләр

Татар сайтлары









Татар ТВ-каналлары

Радио

Тәртип

Татар радиосы

Курай радиосы

Татарстан радиосы

Күңел радиосы

Популяр
Хәбәрләр

Мәчетләрдә балалар өчен җәйге курслар ачылды.

by irekmanager irekmanager
16 июня, 2021
«Тортны хәзер күз йомып та ясый алам»
Тәмлетамак

«Тортны хәзер күз йомып та ясый алам»

by irekmanager irekmanager
13 июня, 2021
«Сиксәнгәчә язсам», «сабыйлыгым»нан, туксаннан соң туктыйм — валлаһ! маташмыйм”
Татар дөньясы

«Сиксәнгәчә язсам», «сабыйлыгым»нан, туксаннан соң туктыйм — валлаһ! маташмыйм”

by irekmanager irekmanager
15 июня, 2021
“Көрәш — минем өчен чир ул”
Спорт

“Көрәш — минем өчен чир ул”

by irekmanager irekmanager
1 июня, 2020

irekmaydani
“ЧЫН СЫР ИКЕ АЙДА ӨЛГЕРӘ” “ЧЫН СЫР ИКЕ АЙДА ӨЛГЕРӘ” Башкортстанның Миякә районында яшәүче Гөлчәчәк РАМАЗАНОВА нинди генә сырлар җитештерми. Барысына да үзлектән өйрәнгән. — Кибет киштәсендә хәзер файдалы әйбер бик аз. Сәламәт булыр өчен экологик яктан чиста ризык ашарга телибез. Шуңа да кәҗә сатып алдык. Аның сөтеннән сыр ясап карадым. Бик тәмле килеп чыкты. Сыр ясау процессы миңа ошады. Шуннан соң бу эш белән ныклап шөгыльләнергә уйладым. Тагын нәселле ике кәҗә асрый башладык, — дип сөйли Гөлчәчәк. Бу эштә аңа ире Рамил, улы Альмир да ярдәм итә. Гөлчәчәк белгечлеге буенча азык-төлек сәнәгате өлкәсендә технолог. — Сыр ясаганда иң мөһиме — технологияне саклау. Кирәкле продуктларны миллиграммга кадәр үлчим. Һәр сырның үз рецепты. Бер сыр ясарга 7-8 сәгать вакыт китә. Ә чын сыр ике айда гына өлгерә, — ди Гөлчәчәк. Эльвира МОЗАФФАРОВА. 🧀Гөлчәчәк РАМАЗАНОВАдан Адыгея сыры рецепты: Сыер йә кәҗә сөтен кәстрүлгә салып, утта җылытабыз. Алдан әзерләнгән махсус әчетке яки аш серкәсе (1 литр сөткә 3-5 мл исәбеннән) кушып оетабыз. Кабарып менгән массаны уттан алып сөзәбез дә, тоз һәм тәмләткечләр өстәп, формаларга салабыз. Җылы килеш, суынгач та ашарга була. Кыздырсаң да тәмле.
"НИНДИ ҮЛӘН ФАЙДАЛЫ?” ❓— Ш "НИНДИ ҮЛӘН ФАЙДАЛЫ?” ❓— Шикәр чире белән авыручыларга нинди үләннәр файдалы? Кайсылары шикәрне төшерергә яки нормада тотарга ярдәм итә? Наилә апа, Балтач районы. 🍀Фитотерапевт Фирая ЗАХАРОВА: — Шикәр чире барлыкка килүгә ашказаны асты бизе гаепле дип уйлау — ялгышлык. Монда 3 әгъзаны — бавырны, ашказаны асты бизен, бөерләрне тикшертергә һәм аларга туры килгән үләннәр җыелмасын эчәргә кирәк. Шикәр чире күзәтелгәндә, каен яфрагы, нарат бөресе, караҗиләк һәм нарат җиләге яфраклары, лавр, кандала үләне (донник) яфраклары файдалы. Үләннәрне аерым куллану киңәш ителми, кушылма ясап эчсәң яхшы. Шикәр чире булганда, туклануга зур игътибар бирергә кирәк. Аз-азлап, еш ашарга, ит күләмен киметергә киңәш итәм. Кета, горбуша кебек диңгез балыкларын суда пешереп ашау әйбәт.
“ҖӘМИЛ БУЛГАНГА МИН БАТЫР ИДЕМ, КЫЮ ИДЕМ, КӨЧЛЕ ИДЕМ” Язучы, җәмәгать эшлеклесе Фәүзия апа Бәйрәмованың бик кайгылы чагы: 2 октябрьдә 68 яшьлек ире Җәмил Сафиуллин вафат булды. — Фәүзия апа, олы кайгыгызны уртаклашабыз. Ничә ел бергә яшәдегез? Ул сезнең өчен нинди ир булды? — Без Җәмил белән утыз ел бергә яшәдек. Өйләнешкәндә, икебез дә Татарстан Югары Советы депутаты идек, ул Чаллыда, мин Казанда милли хәрәкәтне җитәкләдек. Тормышны Җәмил алып барды, ул минем өчен яшәде, мине тормыш мәшәкатьләреннән араларга тырышты. Минем өчен кулыннан килгәннең барысын да эшләде, артыгын сорамадым, булганына шөкер иттем. Бөтен эшем Казанда булса да, аның хакына утыз ел Чаллыда яшәдем... Җәмил горур ир-ат иде, хатын артыннан Казанга күчеп китә торган кеше түгел, хәтта ул хатын Фәүзия Бәйрәмова булса да... Иҗатыма катнашмады, ник аны язасың, ник болай язасың, дип әйтмәде, мин барында мактамады да, яманламады да. Акча табып, кырыкка якын китабымны үз хисабына чыгарды. Ул мәшәкатьләрне белмәдем, баш күтәрми яза идем... Милләткә бергә хезмәт иттек, әмма ул беркайчан күренмәде, интервьюлар бирмәде, телевидениегә төшмәде, хәтта фотолары да бик аз, ул аңа кирәк түгел иде. “Нәтиҗәгә эшләргә кирәк!” — дип әйтергә ярата иде. — Үкенеч калдымы? — Соңгы елларда без аның белән тагын да якынайдык, бу чир сәбәпле анда-монда йөрүләр дә сирәгәйгәч, гел бергә булдык. Сөйләшеп сүзебез бетми иде. Соңгы бер елда көн саен җитәкләшеп урамда йөрдек, Чулман буйларына төштек. Үкенеч хастаханә белән бәйле, шул һаман үзәгемне өзә: кайда булган ул алты сәгать буе?! Нинди ишек төпләрендә тилмереп утырган?! Ул хәтта хастаханәгә кергән булып та исәпләнми бит, чөнки палатага хәтле килеп җитә алмаган! Бу рәхимсез хәлләр Татарстанда, Чаллы шәһәрендә, баш табибы татар булган хастаханәдә, күпчелек татарлар эшләгән урында бара бит! Ирем, шушыларны сизенепме, хастаханәгә ятарга катгый рәвештә каршы иде, “мине анда үтерәләр”, диде. Аннары әйберләрен җыеп, үз аягы белән чыгып китте... Рәзилә РӘСИМ. 🍀ТУЛЫ ЯЗМА — газетабызның 21 нче октябрь санында.
МАШИНАГА КЫШКЫ РЕЗИНА САЙЛЫЙБЫЗ Кышкы тәгәрмәч сайларга вакыт. Сатуда аның берничә төрен тәкъдим итәләр. Тәгәрмәчнең үзең яши торган климатка туры килгәнен сайларга кирәк. ⚙️“Европа” кышкы резинасы аз карлы, җылы һәм юеш кыш өчен яхшы. Безнең яктагы салкыннарга ул туры килеп бетми. Мондый резина куелган машина көртле юлда таеп китәргә, йөртүче идарәне югалтырга мөмкин. ⚙️“Скандинавия” резинасы. Кыш буе температура нульдән түбән булса, кар күп яуса — бу тәгәрмәчләр иң яхшысы. Карлы юлда таймый. Халык телендә “липучка” дип аталган бу резинаның җылы көннәрдә йомшара торган үзлеге бар. Андый вакытта тәгәрмәч тизрәк “ашала”. Кышкы асфальтта ул начаррак туктый. Мондый тәгәрмәчне күбрәк Себер якларында яшәүчеләр ала. ⚙️Шиплы тәгәрмәч бозлы юл өчен яхшы. Әмма асфальтта машина тиз генә туктый алмый, шиплары коела. Тагын бер тискәре ягы — тавышы каты. Шиплы тәгәрмәчле машина эчендә баручыга бу тавыш комачауларга да мөмкин. Мондый резина гел бозлавык күзәтелгән өлкәләргә туры килә. 📌Кышкы тәгәрмәч сайлаганда, аның җитештерелү вакытына игътибар итегез. Яңа тәгәрмәчләрнең саклану вакыты 2 ел. Мәсәлән, быел 2019 елдан да алданрак җитештерелгәнне алмау хәерле. Яңа кышкы тәгәрмәчне 5 ел куллану киңәш ителә, аннары ул кирәкле үзлекләрен югалта. 📌Кышкы тәгәрмәч ел башыннан 15-20 %ка кыйммәтләнгән. Яңа комплект уртача 44 мең сум тора. Рәзилә РӘСИМ.
ЛӘЙСӘН ЕВРОПАДАН ҖИҢҮ БЕЛӘН КАЙТТЫ 👏 Саба кызы Ләйсән ЗАРИПОВА Италиянең Феррара шәһәрендә үткән Европа күләмендәге трисом уеннарында (Даун синдромы булган кешеләр арасында спортның төрле төрләре буенча ярышлар) зур җиңү яулады! Үзенчәлекле булып тууына да карамастан, тормышта үз урынын тапкан 26 яшьлек Ләйсән өстәл теннисы буенча шәхси ярышларда — өченче, ә команда составында икенче урын алды. 17 илдән килгән спортчылар өстәл теннисы, җиңел атлетика, баскетбол, футбол, дзюдо, синхронлы йөзүдә көч сынашты. Ләйсән хәзер Даун синдромлы спортчылар арасында үтәчәк дөнья чемпионатына әзерләнә. Ул киләсе елның июнендә Чехиянең Нимбурк шәһәрендә узачак. Ләйсәннең бу ярышларда да җиңү яулавын телибез! Руслан ХӨСНЕТДИНОВ.
МӘЕТ ЧЫККАН ЙОРТТА АШАРГА Я МӘЕТ ЧЫККАН ЙОРТТА АШАРГА ЯРЫЙМЫ? ❓Мәет чыккан йортта ризык әзерләп ашарга ярамый, диләр. Мәетне җирләп кайтканнан соң, кайбер хәзрәтләр табынга аш-су куйдыртмый. Ни өчен шулай? Хатыйп, Башкортстан, Дүртөйле районы. 🍀Сорауга “Дин Ислам” мәчете имам-хатыйбы Инсаф хәзрәт ИБАТУЛЛИН җавап бирә: — Мәет чыккан йортта ризык әзерләүгә килгәндә, киңәшем шул: имамга итагать итеп, җирлегегездә кабул ителгән гореф-гадәтләрне хөрмәтләп, үзегездәге тәртипләрне үтәргә тырышыгыз. Дингә каршы килми торган гамәлләр үтәүдән, бу очракта ашамыйча торудан гөнаһка батмыйбыз бит. Минемчә, ризык әзерләмәскә кушу Пәйгамбәребезнең (с.г.в.) ятимнәр малын ашамагыз дигән хәдисе белән дә бәйледер. Чөнки мәет чыккан йортта аның малы тулысынча бүленмәгән була, бәлки, бу өйдә ятим калган балалар бардыр. Бәлки, гаилә мохтаҗлыкта калгандыр. Көчләп ризык әзерләргә кушу дөрес булмас иде. Мәет чыккан йортта ризык әзерләмәү — күп якларда кабул ителгән гадәт. Икенче бер мәсьәлә бар — матәм. Кычкырып елап, мәгънәсез гамәлләр кылу турында сүз бармый. Мәет чыккан йорт хуҗалары тынычлыкта калып, бу вакытта дога кыла. Матәм вакытын үткәргәндә ашарга әзерләү гаиләгә авырлык китерергә мөмкин. Халкыбыз мондый мәсьәләдән чыгу юлын да күрсәткән. Пәйгамбәребез (с.г.в.): “Мәет чыккан йорттагыларны сөендерегез, ашатыгыз, эчертегез, ризыкландырыгыз”, — дигән. Халкыбызда мәет булган өйгә күчтәнәч белән килү гадәте дә бар. Мәрхүмнең туганнары мәҗлесләргә савым, ягъни күчтәнәч кыстырып бара. Ничек кенә булмасын, беренче чиратта динебезгә каршы килми торган, үз җирлегеңдә кабул ителгән гореф-гадәтләрне җиренә җиткереп үтәү мөһим. Эльвира МОЗАФФАРОВА.
“АЕРЫЛЫШКАЧ, ИПОТЕКАНЫ КЕМ “АЕРЫЛЫШКАЧ, ИПОТЕКАНЫ КЕМ ТҮЛИ?” ❓— Кызым ире белән аерылышырга йөри. Бер балалары бар, аны алып, арендалаган фатирга чыгып китте. Ире ипотекага алынган фатирда яшәп калды. Аерылышкач, бу фатир өчен ипотека бәясен кызымнан да түләтмәсләрме? Ире шунда торгач, аның исемендә булгач, ул түлиме? Нурания апа, Казан. 🍀Юрист Камил МИНГАЛИЕВ: — Гаилә кодексы нигезендә, аерылышкан очракта законлы рәвештә ир белән хатын булып яшәгән чорда алынган бөтен әйбер: милек тә, әҗәт тә бүленә. Мирас итеп алынган һәм бүләк итеп бирелгән милек кенә искәрмә булып тора, алар бүленми. Ипотекага алынган фатир банкта залогта тора. Әлеге очракта судта үзара килешеп, фатирда кем каласы хәл ителә һәм шул кеше ипотеканы түли. Моңарчы түләнгән акчаны исәпләп, фатирда калучы аның яртысын фатирдан чыгып китүчегә кайтарырга тиеш була. Икенче вариант та бар, анысы аерылышучылар үзара уртак фикергә килә алмаганда кулланыла. Судта ипотека счеты икегә бүленә һәм ир дә, хатын да аны түләргә тиеш була. Аерылышканнан соң алар фатирга икесе дә хуҗа санала һәм икесенең дә анда яшәргә хокукы бар. Әлбәттә, монысы — катлаулы вариант. Иң яхшысы — беренчесе.
“СӘХНӘ ЮЛЫН САЙЛАМАСАМ, КҮКТӘ ЭШЛӘР ИДЕМ” Яшь җырчы Зәринә ХӘСӘНШИНА @zarina__khasanshina белән очрашып, әңгәмә корырга булдык. Тормышта тагын да матуррак, сөйкемлерәк, гади икән дигән хис калдырды ул миндә. — Казан буйлап тукыма эзләп кайтып килешем. Ошаганын, сыйфатлысын гел җайлы гына табып булмый, — дип сүз башлады Зәринә. — Сәхнә күлмәкләрен үзем уйлап тектерәм. Интернеттан бик күп чит ил блогерларын күзәтәм. Аннан да төрле идеяләр табам. — Әгәр җырчы булмаган булсаң? — Кечкенәдән җырлагач, бу юлдан китәсемне белеп үстем. Әти-әни дә каршы килмәде. Шуңа тугыз ел укыдым бит: дүрт ел Казан музыка көллиятендә, биш ел Казан дәүләт консерваториясендә белем алдым. Әгәр җырчы юлыннан китмәсәм, эшемне һава юллары белән бәйләр идем. Бәлки, стюардесса булыр идем. — Зәринә, мәхәббәт турында да сөйләшик әле. Бу өлкәдә хәлләр ничек? — Тынлык😊. Күңелгә яткан кешене табу җиңел түгел. Кирәк дип кенә очраша алмыйм. — Багучыга барганың юкмы? — Кызлар белән элек кызык өчен бер тапкыр бардык. Ишектән керүгә: “Нәрсә, кияү таба алмыйча йөрисезме?” — дип елмайды багучы әби. Аннары: “Чит ил кешесенә чыга күрмә”, — дип әйтеп куйды... Лилия ЙОСЫПОВА. 🍀Зәринә ХӘСӘНШИНА белән ТУЛЫ, КЫЗЫКЛЫ ӘҢГӘМӘ — газетабызның бүген чыккан яңа, 21 нче октябрь санында.
ҖАНИСӘП БАШЛАНДЫ 15 октябрь ҖАНИСӘП БАШЛАНДЫ 15 октябрьдән Бөтенроссия халык санын алу башланды. Ул 14 ноябрьгә кадәр дәвам итәчәк. Моңарчы җанисәп 2010 елда узды. — Быел халык санын алуда Дәүләт хезмәтләре порталында (gosuslugi.ru) анкета тутырып, мөстәкыйль катнашып була. 8 ноябрьгә кадәр анда төзәтмәләр кертергә ярый, — диде Росстат җитәкчесе Павел Малков. Анкетадагы 33 сорауга татар телендә җавап бирү мөмкинлеге дә бар. Алар күп кенә өлкәләргә кагыла: яшь, җенес, торак, мәшгульлек һәм башкалар. 🍀Сез җанисәп алуда катнаштыгызмы әле, Дуслар?
РОЗАЛАРНЫ НИЧЕК КИСӘРГӘ?🥀 РОЗАЛАРНЫ НИЧЕК КИСӘРГӘ?🥀 Розаларны октябрьнең икенче яртысында яки азагында, кояшлы коры көнне кисәләр. Иң мөһиме — ботакларны дөрес кисү. Моның өчен үткен секатор алырга, бөредән 4-5 мм да 45 градус авышлык белән кисәргә кирәк. Киселгән урынга төелгән күмер сибеп йогышсызландырырга яки бакча сумаласы сылап куярга. 🌹Куаклы розаны көзен сирәкләргә кирәк, иң көчле 3-5 ботакны, һәр ботакта 7-8 бөре калдыру җитә. Корыган, хәлсез ботакларны төптән үк кисәргә. 🌹Флорибунда розасының чәчәкләрен кисәргә кирәк. Ул берьеллык ботакларда чәчәк ата, шуңа кыскартудан курыкмагыз. Калын ботакларда — 5-6, нечкәләрендә 12 бөре калдырырга була. Картайган ботакларын төптән үк кисегез. 🌹Чәй-гибрид розаларның сәламәт ботакларын яртылаш кыскартырга ярый. Ул шулай ук берьеллык ботакларда чәчәк ата. 🌹Үрмәле розаны, шиңгән чәчәкләрен кисеп, җәй буе формалаштырып торалар. Ботаклары нечкә, озын, чәчәкләре күп була. Үрмәле роза икееллык ботакларда чәчәк ата, шуңа көзен аны саграк формалаштырырга кирәк. Быел чәчәк аткан ботаклар киләсе елга чәчәк атмый, аларны кисеп ташлыйлар, яшьләрен сакларга кирәк. Зарарланган, авыру ботакларны да алыгыз.
"КҮҢЕЛЕМ БЕЛӘН КИЧЕРДЕМ, ӘММА КИРЕ КАЙТУЛАР БУЛМАЯЧАК” Танылган җырчы Ильмира НӘГЫЙМОВАның “Инстаграм”да куйган постын укып, күпләр ышанмады. “Шундый матур, түгәрәк гаилә. Пиардыр бу”, — диделәр. Аерылышу турындагы гаризаны күрсәткәч кенә чынлап кабул итә башладылар. Ильмира белән Руслан Казан музыка көллиятендә таныша. Гаилә коргач, Чаллыда яшиләр. Ике балалары бар: Камил (8 яшь) һәм Ясминә (5 яшь). Әлеге хәлләрдән соң берничә көн узгач, Ильмира һәм Руслан белән элемтәгә чыктык. — Бу хәлләр пиар түгел, әмма башка интервью бирмим, — диде Ильмира. — Тормыш бит бу, нәрсә генә булмый. Дөреслекне Ильмира белән икәү генә беләбез, — диде Руслан. — Бәлки, күз дә тидергәннәрдер. Шулай дип уйлыйм. Төзәлергә кирәк. Әле температурам күтәрелде, авырыйм. Әлеге хәлләрдән әни чирләде. Бу җирдә беркем дә фәрештә түгел. Алла боерса, бар да яхшы була. Үтә ул, онытылачак. Кеше бүген сүгә, иртәгә төкерә. Мин тулы гаилә өчен! Лилия ЙОСЫПОВА. ‼️ТУЛЫРАК — газетабызның иртәгә чыгачак яңа, 21 нче октябрь санында‼️
ШӨКЕР ИТИК🙏 Бер патша диңгез буйлап сәяхәт итә икән. Шулчак куркуыннан туктаусыз елап барган бер егетне күргән. Баксаң, ул корабльдә беренче тапкыр икән, су буйлап сәяхәт итүнең авырлыгын, үзенчәлекләрен белми. Иптәшләре никадәр тынычландырса да, аның үз туксаны туксан. Моннан да куркынычрак урын юк, дип елый икән. Патшаның бу эчен пошыра башлаган. Бер акыл иясе: — Рөхсәт итсәгез, егетне тынычландырыр идем, — дигән. — Белгәнеңчә эшлә, — дигән патша акыл иясенә. Акыл иясе егетне суга атарга кушкан. Берничә тапкыр суга чумдырганнан соң, аны кабат корабльгә утыртканнар. Егет тынып калган. Патша гаҗәпләнеп сораган: — Әй, акыл иясе, алымыңның сере нидә? — Бу егет беркайчан диңгез күрмәгән. Бату куркынычы барлыгын да аңламый. Димәк, хәвеф-хәтәрсез йөзүнең нинди бәхет икәненә төшенми. Шуңа исән булуына сөенми. Суга төшкәч кенә, ул моны аңлады, — дигән акыл иясе. 🍀Кешеләр дә шулай бит, язмыш сынау җибәрмичә, тормыш ямен аңламый. Авырып карамыйча — сәламәтлекнең, югалтып карамыйча — тапкан малның, ялгызлыкта калмыйча — парлы тормышның, картлык килмичә — яшьлекнең кадерен белмибез. Аллаһы Тәгалә байлыкны, мохтаҗлыкны, кайгыны, шатлыкны вакытлыча бирә. Кешенең гомере игелекләр кылганда, саваплар эшләгәндә генә хәерле була. Һәрчак шөкер итеп яшәсәк иде. Үзебездән түбәннәрдән — гыйбрәт, бездән югарылардан үрнәк алыйк. Иртән Аллаһка йокыдан исән-сау уяна алган өчен рәхмәт әйтик, мәшәкатьләрне сабырлык белән үткәрә белик. Кеше тормышына кызыкмыйк. Барына канәгать булыйк. Аллаһ зуррак сынаулар бирмәсен.🤲
“ӨМӘДӘ БУЛДЫК” Диләрә ИЛА “ӨМӘДӘ БУЛДЫК” Диләрә ИЛАЛТДИНОВА, җырчы: — Әтнә районы Бәхтияр авылына якыннарыбыз янына кайтып, каз өмәсендә катнаштык. Саф һавада рәхәтләнеп эшләдек. Мин белгәннән бирле, әби-бабайлар кош-корт тотты. Миңа каз йолку һәм бүтәкә чистарту эләкте, эчәкләрне майдан аердым, тоз белән болгатып куйдым. Эш белән бергә күңелле ял иттек.
“ЯРДӘМ” БӘХЕТ ДӘРЕСЛӘРЕН ӨЙРӘТТЕ” Казанның “Ярдәм” тернәкләндерү үзәге директоры урынбасары Гөлшан Мирдиянова әйтүенчә, мәчет каршындагы хәйрия фонды төрле катлам халыкка ярдәм күрсәтә. Ятим балалар, аз керемле гаиләләр, мохтаҗлыкта яшәүче инвалидлар авыр чакта фондка мөрәҗәгать итә ала. Биредә төрле курслар уза. — Тернәкләнү өч юнәлештә бара: бөтенләй күрмәүчеләр һәм аз күрүчеләр; хәрәкәтләре чикләнгән, инвалид коляскасында йә таякка таянып йөрүчеләр; өченчесе — телсез-чукраклар өчен. Бу өч юнәлеш чиратлаштырып алып барыла. Елына, гадәттә, 150 ләп кеше кабул итәбез, — ди Гөлшан. Авыруларга массаж, төрле физик күнегүләр каралган. Моннан тыш курсларда психологик ярдәм күрсәтелә. Биредә арт-терапия, ягъни рәсем аша дәвалау алымын да кулланалар. Үзәккә килгән кешеләргә кул эшләре, күңеленә ошаган башка эшләр белән шөгыльләнү өчен бөтен мөмкинлек тудырылган. Төрле осталык дәресләрендә катнашып, күпләр үзләренә яңа һөнәр үзләштерә. Кемдер чигә, тегә, бәйли, мозаика белән эшли, шәмаилләр ясый. Дөм сукыр апалар да сәйләннән чәчәкләр үрергә өйрәнә. Хәтта үзләренең шәхси күргәзмәләрен оештыручылар да бар. Кайсылары, кул эшләнмәләрен сатып, аз булса да акча эшли. — “Ярдәм” мәчете миңа бәхет дәресләрен өйрәтте, — ди Кадрия апа Заһидуллина. Ул бушлай тернәкләнү узарга мөмкинлек биргән “Ярдәм” үзәге җитәкчелегенә зур рәхмәтле. — Биредә үз эшенең осталары эшли, бар җирдә чисталык, тәмле ашаталар, керләрне юалар, укытучылар, намаз укырга килгән кешеләр дә һәрчак ярдәмгә әзер. “Ярдәм” татарларны гына түгел, төрле милләт кешеләрен берләштерә. Эльвира МОЗАФФАРОВА.
“КЫЗЫМ КИЯҮГӘ ЧЫКТЫ” Нияз “КЫЗЫМ КИЯҮГӘ ЧЫКТЫ” Нияз ҖӘЛӘЛОВ, @niyaz_zalyalov949 автор-башкаручы: — Кызым Алия кияүгә чыкты. Киявебез Данис — якташым, ул да Әлки ягыннан. Казанда яшиләр. Никахны “Ярдәм” мәчетендә укыттылар. Туй “Михайловская усадьба”да узды. Улыбыз Булат армиядә хезмәт итә. Кызганыч, апасының туена кайта алмады.
“КОРБАН ИТЕН ТАРАТЫРГА ЯРЫ “КОРБАН ИТЕН ТАРАТЫРГА ЯРЫЙМЫ?” Чувашстаннан Ирек абый: ❓— Ноябрьдә әнинең вафат булган көне җитә. Коръән ашы уздырырбыз дип корбан чалган идек, әмма пандемия чорында кеше җыярга куркабыз, чөнки авыручылар күп. Корбан итен таратырга гына да ярый дип беләм, моның тәртибе ничек икән? Кемнәргә бирү саваплырак? 🍀ТР Диния нәзарәтенең дәгъват бүлегеннән: — Корбан итен таратырга да мөмкин. Тәртибе мондый: итне өч өлешкә бүлү яхшы. Бер өлеше күршеләргә һәм туганнарга таратыла, икенчесе ярлыларга һәм мескеннәргә бирелә, ә өченче өлеше корбан чалдыручының гаиләсенә кала. 📸 tatar-duslyk.ru сайтыннан алынды.
“ИНГЛИЗ ТЕЛЕ УКЫТУ БУЕНЧА ОНЛАЙН МӘКТӘБЕМНЕ АЧАРГА ХЫЯЛЛАНАМ” Алинә ЯРУЛЛИНА Яшел Үзән районының Олы Яке авылыннан. Белгечлеге буенча биология укытучысы, әмма мәктәптә үз фәненнән эш булмагач, чит тел укытырга карар кыла. Мәктәп тугызъеллыкка калгач, дәресләре кыскарган. Шуннан соң ул онлайн укыту турында уйлана башлаган. — Төрле шәһәрләрдәге ике балага зум аша дистанцион рәвештә дәресләр бирәм. Кемгәдер ярдәм итә алуыңны тою канәгатьлек хисе бирә, акчасы да ярап куя, — ди Алинә. Авыл җирендә мал-туар, йорт мәшәкатьләре дә җитәрлек. Ире белән 16 баш терлекне карарга, кышка азык әзерләргә, бакча уңышын җыярга, өйне чисталыкта тотарга, вакытында ашарга өлгертергә, ике баланы тәрбияләргә дә вакыт таба әңгәмәдәшем. Алинә мәктәптә икенче чит тел буларак немецча да укыта башлаган. Алинә “Инстаграм”да инглиз теленә өйрәтә торган аккаунтын ачкан — @english_freedom21 . Анда тәҗрибәсе белән уртаклаша, файдалы материаллар урнаштыра. Киләчәктә онлайн мәктәбен булдырырга хыяллана. Авылда яшәве бу эшкә комачауламый. Интернет мөмкинлекләр ача. Эльвира МОЗАФФАРОВА.
ДУХОВКАДА ПЕШКӘН ЧӨГЕНДЕР👍 Бу ысул белән пешерелгән чөгендер болай ашарга да, бутербродлар өчен дә тәмле була. 2 кечерәк чөгендер, 3-4 тырнак сарымсак (күбрәк тә ярый), тәмләткечләр (базилик салам), тәменчә тоз, 2-3 аш кашыгы үсемлек мае (мин ат маен эретеп сиптем). Чөгендерне түгәрәкләп турарга. Шуңа туралган сарымсак, тәмләткечләр, тоз, май сибәргә. Табага салып, өстен фольга белән каплап, 180-200 оС кызулыктагы духовкада 50-60 минут пешерергә. Айгөл МУЛЛАГАЛИЕВА, Балтач районы Бөрбаш авылы. 🍀Пешкән чөгендер ашкайнату эшчәнлеген яхшырта, ябыктыра, организмнан токсиннарны чыгара. Бу яшелчәдә магний, марганец, калий күп. Ул йөрәк эшчәнлеге өчен файдалы. Моннан тыш чөгендер тимергә бай, гемоглобинны күтәрә, анемиядән саклый.
“ХРИЗАНТЕМАНЫ КӨЗДӘН ҮРЧЕТӘМ” Шар сыман чәчәккә күмелгән хризантема бик матур. Ел да шулай булып чәчәк атсын өчен, тиешле тәрбия дә таләп итә ул. Бу төр хризантемалар бакчада кышлый алмый, өши, аларны подвал, базда саклыйлар. Чаллыда яшәүче чәчәкләр үстерүче Лилия ХАФИЗОВА мультифлора төрендәге хризантемаларны көздән тамырландырырга киңәш итә. — Быел үскән зур төп хризантеманы киләсе елга шул килеш утыртсаң, матур шар булмый, таралып китәчәкләр. Чөнки яз көне үсеп чыккан һәр ботак шар булып куера. Шуңа күрә һәр ботакны бер төп итеп үстерү хәерле. Элегрәк мультифлораны саклап калыр өчен кашполарга күчереп, теплицага кертеп утырта, өшемәсеннәр дип, өсләренә ылыслы ботаклар куеп, спанбонд белән яба, яз көне шуларны яшәртер, яңартыр өчен фатирга алып кайта, үсә башлагач, аерым савытларга күчереп утырта идем. Болар бар да мәшәкатьне арттыра. Быел базга, теплицага ташып йөрмәячәкмен. Узган кыш салкын булып, теплицадагы 9 төпнең берсе генә исән калды. Шуңа күрә, эшемне җиңеләйтер өчен, көз көне һәрбер төстән берничә ботак алып, тамырландырырга утыртам. Өсте ябулы торт савытына бик күп ботак утыртырга була. Ул шулай тәрәзә төбендә кыш чыга. Вакыт-вакыт һава керсен өчен ачкалап алам. Шунда әкренләп үсә башлыйлар. Мартта аерым стаканнарга күчерәм. Май ахырында бакчага чыгарып утыртасы гына кала. Роза НУРГАЛИЕВА.
“МӘЧЕТ АРТЫНДАГЫ БУШ ҖИРГӘ “МӘЧЕТ АРТЫНДАГЫ БУШ ҖИРГӘ ЭЧ ПОША ИДЕ” Алабугада яшәүче Али Әмиров шәһәрнең “Җәмигъ” мәчете артындагы паркка төрле куак, агачлар утырткан. Буш җирне эшкәрткән, үсентеләрен дә үзе алып килгән, акча түләп, тирес керттергән. Инде утырткан куаклары, агачлары 150 гә якынлаша. — Атнаның биш көнендә эшлим, ике көнем буш. Шушы вакытымны тиккә үткәрмәскә тырышам, — ди Али абый. — Парк территориясендәге буш җиргә эч пошып тора иде. Үз кулларым белән матурлык тудырасым килде. Яхшылап үсеп китсәләр, киләчәк буынга миннән истәлек булып калыр. Паркта ял итүчеләр төрле тәмле җимешләрдән авыз итәр иде. Бу ният белән күптән янып йөри идем. Узган елның көзендә, ниһаять, беренче үсентене алып килеп утырттым. Аннары тагын берничәне... Шулай итеп аларның саны быел 140 тан артты. Арада кыргый алма, груша, чия, абрикос, слива, гөлҗимеш — төрлесе бар. Чәчәкләре белән ямь биреп торсын дип, ясмин, фикуслар да утырттым. Берничә елдан агач-куакларым җимеш биреп сөендерер дип ышанам. Тамырланып киттеләр. Гел карап, кайгыртып торам. Лилия ЙОСЫПОВА.
Загрузи больше… Следуйте в Instagram
  • БАШ БИТ
  • Сәхифәләр
  • Элемтә
  • Язылу

© “Ирек мәйданы” газетасы редакциясе. 12+. Газетадагы язмаларны редакция рөхсәте белән генә күчереп бастырырга мөмкин. Хатлар өчен адрес: 420141, Казан, а/т 225. Телефон: +7 (843) 528-05-90, 214-10-67. Ватсап: +7 965-629-50-70. E-mail: im_kazan@mail.ru

No Result
View All Result
  • БАШ БИТ
  • Сәхифәләр
  • Элемтә
  • Язылу

© “Ирек мәйданы” газетасы редакциясе. 12+. Газетадагы язмаларны редакция рөхсәте белән генә күчереп бастырырга мөмкин. Хатлар өчен адрес: 420141, Казан, а/т 225. Телефон: +7 (843) 233-03-57, 214-10-67. Ватсап: +7 965-629-50-70. E-mail: im_kazan@mail.ru