Вак чөгендерләрне юып, пешерергә куярга, алар 30-40 минут пешә. Салкын суга салып суытырга һәм чистартырга.
Кәстрүлгә 2 л су агызып, кайнатып чыгарырга. Парландырылган банкаларга чөгендерләрне тутырып, өстенә кайнаган суны коеп, 15 минут тотарга. Суын кабат кәстрүлгә бушатырга.
3 аш кашыгы тоз, 4 аш кашыгы шикәр комы, 4 түгәрәк борыч, 100 мл 9 %лы аш серкәсе кушып кайнатып, чөгендерләр өстенә салырга. Калай капкач белән ябып куярга.
0,5-0,6 литрлы 7 банка килеп чыкты. Чөгендер ваграк булган саен тозлык әзрәк керә.
Кышка әзер пешкән чөгендер була бу.
Рәмзия НИЗАМИЕВА, Яшел Үзән районы Күгеш авылы.
