КУРА ҖИЛӘГЕ БЕЛӘН ПИРОГ

Камыр: 200 г атланмай, 1 йомырка, 3 аш кашыгы шикәр комы, 2 аш кашыгы сөт, 1 чәй кашыгы чәй содасы, он.
Эчлек: 400 г кура җиләге, 450 г каймак, 1 стакан шикәр комы, 2 йомырка, 1 аш кашыгы кесәл.
Атланмайны угычтан уарга. Шуңа чәй содасы белән онны кушып уарга. Йомырка, сөт, шикәр комы салып, камыр басарга. Камырны җәеп, табага салырга. Өстенә кура җиләге тезәргә. Каймак, шикәр комы, кесәл, йомырканы яхшылап болгатырга һәм җиләк өстенә агызырга. Пирог духовкада 30-40 минут пешә.
Ләйсән ХАНТИМЕРОВА, Кукмара.