Габдрахман догасы нәрсә хакында?
Рима апа, Яшел Үзән.
Редакциядән:
— Әлеге дога турында Фәрид Сәлман календареннан мәгълүмат таптык: “Рәсүлебез яшәгән заманда Габдрахман исемле кеше булган. Ул гомере буе золым белән шөгыльләнгән: кеше талау, үтерү, хәмер эчү һ.б. явызлыклар кылган. Габдрахман үлгәч, Рәсүлгә хәбәр итәләр. Рәсүлебез үзенең сәхәбәсенә — Әбү Бәкер Ситдыйкка җеназа укырга куша. Үзе явызлык юлында йөргән кешегә барудан баш тарта. Шулай да болар Габдрахман йортына юл тота. Килсәләр, бөтен җирдә фәрештәләр тулган: җеназа укып, эш бетереп куелган. Бу хәлне күреп, Рәсүлебез сәхәбәләре белән гаҗәпкә кала. Мәетне җирләп кайткач, хатыныннан сорыйлар: “Йә, Мәзлүнә, фәрештәләр хөрмәт итәрлек иреңнең нинди изгелеге бар иде?” Хатын: “Иремнең изгелеге юк, явызлыгы күп иде. Ләкин ул көн дә шушы доганы укымыйча йокларга ятмады”, — диде һәм догаи гаҗәеп әл-истигъфар догасын Рәсүлебезгә бирде. Аны Габдрахман догасы дип тә йөртәләр”.
