БАТОН

500 г иләнгән онга 0,5 аш кашыгы тоз, 1,5 аш кашыгы шикәр комы, 1 чәй кашыгы коры чүпрә, 310-320 мл җылы сөт өстәп, камыр басарга. 3 аш кашыгы үсемлек мае салып, тагын 10 минут чамасы басарга. 1 сәгать җылы урында кабартырга, икегә бүлеп, уклау белән җәяргә һәм рулет итеп төреп, батоннар ясарга. Батоннарны пергамент җәелгән формага куярга. Өстен майлап, 30 минут кабартырга. Кабаргач, өстеннән берничә урыннан кискәләргә. Пакет каплап, тагын 15 минут кабартырга. Өстенә сөт сөртеп, 180 оС кызулыктагы духовкада 35-40 минут пешерергә.
Гөлнара ГАЛИМУЛЛИНА, Мамадыш районы.