“НИШЛӘП ХАТЫНЫҢ БЕЛӘН ТҮГЕЛСЕҢ”

Мирсәет СӨНГАТУЛЛИН, Татарстанның халык артисты:
— Булачак тормыш иптәшем белән Мәскәүдә таныштык. 10 көн буе концерт бирдек. Кадрия көн дә шул концертка йөрде. Әлфия апа Авзалова белән Вафирә апа Гыйззәтуллина Кадрияне белә иде. Безне алар таныштырды. Гаилә корып яши башлавыбызга тиздән 40 ел була. Кадрия тумышы белән Түбән Новгород өлкәсенең Сергач районыннан. Алмаз исемле егет үстердек. Ул Мәскәүдә Зур театрда эшли. Алмаз опера сәнгатен ярата. Француз, итальян, немец телләрендә дә иркен җырлый. Заманында Зилә Сөнгатуллина белән мине ирле-хатынлы дип уйлаучылар да булды. Концерт белән килгәч, нишләп хатының белән түгелсең, дип сорыйлар иде. Тамашачыларга, Зилә белән безнең фамилияләр генә бер, дип аңлата идем.