• #3206 (без названия)
  • Сәхифәләр
  • Элемтә
  • Язылу
Ирек мәйданы
Бүген: 29.08.2025
  • Сәхифәләр
  • Элемтә
  • Язылу
No Result
View All Result
Ирек мәйданы
No Result
View All Result
Ирек мәйданы
Баш бит Спорт

“БОЗГА ЧЫКМЫЙЧА ТОРА АЛМЫЙМ”

Казан егете Аяз ГӘРӘЕВ кечкенәдән хоккейда. Бу сезонда Түбән Каманың “Нефтехимик” хоккей командасында яшүсмер хоккейчылар составында уйный башлады. Капкачы Аязга 17 яшь.
— 15 ел элек, әле юньләп сөйләшә дә белмәгән улым, өйдә барыбызны да хоккей уйната, бөтен йортка ишетелерлек итеп: “Гооо”, — дип кычкыра иде, — дип искә ала Аязның әнисе, танылган журналист Замирә Рәҗәпова. — Ул чакта хоккей тормышыбызга шулай үтеп керер дип уйлап та карамадым. Иртәнге сәгать 5 тә торып, тренировкаларга йөгерә башлагач та, 4 яшьлек баланың мавыгуы дип кенә кабул иттем. Ә хәзер без хоккей белән яшибез: ул борчылу, сөенүләр… Инде 14 нче сезон.

“ЯРАР, ЙӨРСЕН, УЕННАН ТУЙСА, ТАШЛАР”
— Аяз, хоккейга ничә яшьтә йөри башладың? Составка тиз алдылармы?
— Хоккей белән кызыксынуым 3 яшьтә үк башланды. Телевизордан бер тапкыр уйнаганнарын карау җитте. Уенчыларны шундый кызыксынып күзәттем. 4 яшемдә хоккей түгәрәгенә бардык. Башта, алмыйбыз, кечкенә, диделәр. Аннары барыбер кабул иттеләр, үземнән бер-ике яшькә зурраклар белән йөрдем. Беренче тренерым Егор Игорь улы Трофимов әниемә: “Ярар, йөрсен, уеннан туйса, ялыкса, ташлар”, — диде. Ул — мине тимераякка бастыручы укытучым. Хоккей карьерамда зур роль уйнаган тагын бер шәхес — Андрей Зубков. Ул — мине капкага бастыручы, авыр чакларда терәк булган беренче тренерым.
— Казанда чакта Яшел Үзән, Питрәч районнарына да йөреп уйнадың. Ничек өлгердең? Укытучылар сүз әйтмәдеме?
— Иң кыены уку белән тренировка, уеннарны бергә алып бару иде. Әмма тырыштым һәм булдырдым. Казанда чакта сыйныф җитәкчем Лилия Хамбал кызы уеннар аркасында дәресләр калдыруымны аңлап кабул итте. Башка укытучылар белән сөйләшеп, алардан өйгә өстәмә биремнәр бирдертеп, билгеләр алуым өчен тырышты. Аның ярдәме белән барысына да өлгердем. Хәзер Түбән Камада Бакый Урманче исемендәге 2 нче гимназиядә укыйм. Яңа уку йортына ияләшүдә, укуда өлгерешемне яхшыртуда сыйныф җитәкчем Бария Халит кызы Шиһапова ярдәм итә. Дәрес калдырырга туры килә. Остазларым аңлап кабул итә. Аларга зур рәхмәт.
— “Нефтехимик”та яңа составка, яңа тормышка ияләштеңме инде? Хоккейчы Аязның бер көне турында сөйлә әле.
— Гадәти көннәрдә иртәнге сәгать 7 дә торып, гимназиягә китәм. Укудан кайткач, төшке аш ашап, бераз ял итәм. Аннары кичке сәгать 6-7 дән 9-10 га кадәр тренировкада булам. Кайткач, өй эшләрен әзерлим. Яхшы укыйм. Күптән түгел инша яздык, зачет бирдем, БДИны да шулай уңышлы тапшырып чыгарга насыйп булсын инде. Уен булган көннәрдә 3 сәгать алданрак уянам. Иртәнге аштан соң, җыр тыңлый-тыңлый, үземне уенга әзерлим.
— Кайда яшисең? Хоккей клубының интернаты бармы?
— Фатир арендалап торам. Яшүсмерләр хоккей лигасы (ЮХЛ) уенчылары өчен интернат каралмаган.
— Якыннарың Казанда. Еш күрешәсезме?
— Казанга чама белән өч атнага бер кайтам. Мөмкинлек булуга, якыннарым, туганнар, дуслар белән күбрәк күрешеп калырга тырышам.

“ҺӘР КАПКАЧЫДАН ҮРНӘК АЛАМ”
— Уенда позицияң — капкачы. Җаваплылык та күбрәктер? Балачактан шулай теләдеңме, әллә тренер сайлап куйдымы?
— Капкага үзем бастым. Балачактан диварга туп атып, шуны һавадан тотып алып уйный идем. Әйе, капка саклау җиңел түгел. Әмма башка позицияләрдә дә җиңел димәс идем.
— Синең өчен хоккей дөньясында кайсы уенчылар үрнәк булып тора?
— Капкачыларның һәркайсыннан ниндидер үрнәк алырга тырышам. Мәсәлән, фин капкачысы Юусе Саросның хәрәкәтләре ошый, НХЛда уйнаучы Андрей Василевскийның алканы тотып алуы күпләрне сокландырырлык.
— Аяз, син хәзер боздан азга гына да аерылып тора алмыйсыңдыр инде?
— Хоккей — яшәү рәвешем. Узган ел бармакны сындырдым. Бер атна да үтмәде, бозга чыктым. Төзәлеп беткәнен көтеп, өйдә ята алмадым, шул арада юксынып өлгердем. Һәм без ул уеннарны оттык.
— Хоккейга килергә теләүче балалар, яшүсмерләргә нинди киңәшләр бирер идең? Әзерлекне чама белән ничә яшьтә башларга?
— Кем өчендер яше ул хәтле үк мөһим булмаска да мөмкин. Мәсәлән, Александр Овечкин турында башта: “Хоккейга соң килде. Аңа әллә ни уңыш елмаймас”, — дигәннәр. Ә хәзер ул — дөньяда иң уңышлы хоккейчыларның берсе. Төп киңәшем — иренмәскә һәм 100 % тырышырга. Башлаган мәлләрдә төп басымны тимераякта шууга ясарга кирәк. Шуу — хәзерге хоккейда иң төп фактор.
— Аязның хоккейда иң зур хыялы?
— Уңышлы хоккейчы, балаларга һәм үсмерләргә кумир буласым, чемпионатларны, төрле лига кубокларын отасым килә. Мин тырышачакмын.
Лилия ЙОСЫПОВА.

Хәбәрләр

Балтачта Мортаза байның тарихый киез итек фабрикасын 1 сумга саталар, аңа ашыгыч ремонт таләп ителә.

2026 елның языннан участокта Сосновский балтырганын бетермәгән өчен штраф кертеләчәк.

Айдар Җәббаров К.Тинчурин исемендәге Татар драма һәм комедия театры баш режиссеры булачак.

“Мәктәпкә җыенырга ярдәм ит” акциясе Татарстанда яшәүче 40 меңгә якын балага ярдәм итәчәк.

Казанда “Апуш” татар балалар театр студиясе сентябрьдә өстәмә кастинг игълан итә.

16 августта Балык Бистәсендә “Бистә шәле” III республика хатын-кызлар кәсебе фестивале уза.

Рубрикалар

  • Авыл тормышы
  • Бакчачы почмагы
  • Безнең өй
  • Булмас димә!
  • Гаилә
  • иман нуры
  • Матур йолалар
  • Матур туган ягым
  • Мәгариф
  • Минем хокук
  • Сәламәтлек
  • Сәхнә арты
  • Сердәш
  • Спорт
  • Табигать шифасы
  • Тарих тәгәрмәче
  • Татар дөньясы
  • Татар дөньясы
  • Тату гаилә
  • Тәмлетамак
  • Төрлесеннән
  • Тырышкан табар
  • Хатлар эзеннән
  • Хәбәрләр
  • Язмышлар
  • Ярдәм кирәк!

Татар сайтлары









Татар ТВ-каналлары

Радио

Тәртип

Татар радиосы

Курай радиосы

Татарстан радиосы

Күңел радиосы

Популяр

“КАВЫШЫП ЯШӘП КИТКӘННЕ СИЗМИ ДӘ КАЛДЫМ”
Сәхнә арты

“КАВЫШЫП ЯШӘП КИТКӘННЕ СИЗМИ ДӘ КАЛДЫМ”

by irekmanager irekmanager
1 августа, 2024
“ИРТӘН ТОРУГА, САКСОФОННЫ КУЛГА АЛАМ”
Сәхнә арты

“ИРТӘН ТОРУГА, САКСОФОННЫ КУЛГА АЛАМ”

by irekmanager irekmanager
1 августа, 2022
“УН ЕЛ БЕРГӘ ТОРГАЧ, БЕР-БЕРЕБЕЗНЕ АҢЛАРГА ӨЙРӘНДЕК”
Сәхнә арты

“УН ЕЛ БЕРГӘ ТОРГАЧ, БЕР-БЕРЕБЕЗНЕ АҢЛАРГА ӨЙРӘНДЕК”

by irekmanager irekmanager
19 июля, 2024
Ринат ВӘЛИЕВ:  “ҮЗЕМНЕҢ КЕШЕГӘ КИРӘКЛЕГЕМНЕ ТОЯМ”
Сәхнә арты

Ринат ВӘЛИЕВ: “ҮЗЕМНЕҢ КЕШЕГӘ КИРӘКЛЕГЕМНЕ ТОЯМ”

by irekmanager irekmanager
30 мая, 2022
  • #3206 (без названия)
  • Сәхифәләр
  • Элемтә
  • Язылу

© “Ирек мәйданы” газетасы редакциясе. 12+. Газетадагы язмаларны редакция рөхсәте белән генә күчереп бастырырга мөмкин. Хатлар өчен адрес: 420141, Казан, а/т 225. Телефон: +7 (843) 528-05-90, 214-10-67. Ватсап: +7 965-629-50-70. E-mail: im_kazan@mail.ru

No Result
View All Result
  • Сәхифәләр
  • Элемтә
  • Язылу

© “Ирек мәйданы” газетасы редакциясе. 12+. Газетадагы язмаларны редакция рөхсәте белән генә күчереп бастырырга мөмкин. Хатлар өчен адрес: 420141, Казан, а/т 225. Телефон: +7 (843) 233-03-57, 214-10-67. Ватсап: +7 965-629-50-70. E-mail: im_kazan@mail.ru