ЙОМШАК КАБАРТМА

700 г югары сортлы он, 400 мл җылы сөт, 1 йомырка һәм 1 йомырканың агы, 6 г (ярты кап) коры чүпрә, 3-4 аш кашыгы шикәр комы, 1 чәй кашыгы тоз, 3 аш кашыгы үсемлек мае, 2-3 аш кашыгы атланмай, 10 г камыр көпшәкләгеч, 1 аш кашыгы 9 %лы аш серкәсе.
Өстенә сөртү өчен: 1 аш кашыгы сөт, 1 йомырка сарысы.
Камыр өчен барлык ингредиентларны бергә кушып болгатырга. Камырны эмаль савытка салып, җылы урынга куярга. 50-60 минуттан камырны баскаларга, 16 өлешкә бүләргә. Кабартмалар ясап, үсемлек мае белән майланган аслыкка тезәргә. 30 минут кабартырга, өсләренә йомырка сарысы сөртергә (көнҗет, вакланган чикләвек сибәргә була) һәм 180 оС кызулыктагы духовкага куеп, 25-30 минут пешерергә.
Бу камыр башка баллы камыр ашлары, пирогларга да яхшы.
Зилә ИДРИСОВА, Башкортстан, Кушнаренко районы Иске Кормаш авылы.