1 кг җиләк, 600 г шикәр комы кирәк. Шикәр комын теләгән кадәр дә салырга була, 1 кг җиләккә 0,7-1 кг шикәр комы җитә.
Җиләкләрне чистартабыз һәм юабыз, өстенә шикәр комы салабыз, каплап берничә сәгать тотабыз. Җиләкнең согы чыккач, кайнатып чыгарабыз, кайнап чыккач та өстеннән күбеген җыеп алабыз һәм, сүндереп, 5-6 сәгать суынганын көтәбез. Тагын ике тапкыр шулай ук эшләргә кирәк, ягъни кайнатып чыгарабыз, күбеген җыябыз, 5-6 сәгать суытабыз. Мондый кайнатма бик тәмле, куе желе кебек була. Әлеге ысул белән бакча җиләген дә, кура җиләген дә, урман җиләген дә кайнатырга мөмкин.
Индира СӘЙФУЛЛИНА.