НИК ШУЛАЙ НЫК ТИРЛӘТӘ?

— Бик нык тирлим, җәен бигрәк тә авыр. Бу нилектән шулай була?
Тир бүленеп чыгу — табигый процесс. Нык тирләү нәселдән дә килергә мөмкин. Әмма аны игътибарсыз калдырырга ярамый. Иң еш сәбәпләр: гормональ тайпылышлар, шикәр диабеты һәм бөер авырулары. Беренчесе яшүсмер һәм хатын-кызларның менопауза чорына туры килә, үз вакыты белән уза. Шикәр диабеты һәм бөер чирләренә тикшеренергә кирәк. Кызуда нык тирләүнең тагын бер куркынычы бар — тир белән организмнан калий бүленеп чыга, ул кайбер әгъзалар, аеруча йөрәк эшчәнлегендә сизелергә мөмкин. Чиста су эчегез, калийга бай ризыклар (банан, күрәгә, йөзем һ.б.) ашарга тырышыгыз.