Тары ярмасына чеби боткасы дип борын җыерып карамагыз. Тары — борынгы культура, ул бодай, арыш, дөге, карабодайдан күпкә алдарак үстерелгән.
Тары аксым микъдары буенча манный ярмасыннан, крахмал буенча дөгедән калышмый, анда калий дөгедән — дүрт, магний биш тапкыр артыграк. Тарыда никотин кислотасы, бакыр, марганец күп.
Тары боткасын еш ашап, гипертония, панкреатит, шикәр диабетын дәвалап була. Тарының тагын бер өстенлеге — организмнан зарарлы матдәләрне чыгаруы, антибиотиклар белән дәваланганда, көн саен тары боткасы ашарга тырышыгыз. Аның шешләрнең үсешен тоткарлавы да исбатланган.
Тары сөякләрне, мускуллар системасын да ныгыта.