Абдулла ибн Гомәрдән (Аллаһ аңардан риза булсын) шундый бер хәдис риваять ителә: “Беркөнне Аллаһ Рәсүле безгә вәгазь белән мөрәҗәгать итте: “Әй, мөһаҗирләр! Мөселман өммәте өстенә төшәчәк биш сынауны сезгә күрергә язмасын иде, дип Аллаһка догалар кылам!”
Алар түбәндәгеләр:
1. Кешеләр арасында зина кылуның киң колач җәюе аркасында алар бу әшәкелекне хәтта башкалардан яшерми башласа, алар арасында моңа тиклем булмаган чирләр таралыр.
2. Әгәр сәүдәгәрләр, азык-төлекне тиешеннән аз үлчәп, кешеләрне алдарга керешсә, Аллаһ аларга корылык җибәрер, азык-төлеккә кытлык килер, хакимнәр җәбер-золым кыла башлар.
3. Әгәр кешеләр зәкәт түләүдән баш тартса, Аллаһ аларны явым-төшемнән бөтенләй мәхрүм итәр, яңгырлар яумас, җирдә җәнлекләр яшәмәс иде.
4. Аллаһка һәм Аның рәсүленә итагать итүдән туктасалар, Аллаһ аларның дошманнарына җиңү бирер, аларның башбаштаклык кылуына юл куяр.
5. Әгәр әмирләр Аллаһ Китабы буенча хөкем чыгарудан туктап, башка нәрсәләрне үзләренә кулланма итеп алса, Аллаһ алар арасында бер-берсенә карата нәфрәт урнаштырыр.
Дөньядагы җәбер-золым, төшенкелек, хәтта йогышлы чирләрнең котыруы һәм төрле бәла-каза, кылынган гөнаһлар — кешеләр сайлаган тормыш нәтиҗәсе. Адәмнәр, мөэминнәр, көчлеләр, көчсезләр дә гөнаһларның начар нәтиҗәләрен үз башыннан үткәрер. Бу дөнья шулай корылган. Шул рәвешле гөнаһлылар фаныйлыкта ук үз җәзасын татый, ә мөэминнәрнең иманнары гына сынала. Сабырлык күрсәткән өчен дәрәҗәләре арта.
(“Дини-мәгърифәти” календарьдан)
Фото: ©toshket,/123rf.com
