АЛМАДАН СОК

12 литрлы чиләккә коелган алмаларны яртысыннан артык итеп турап тутырам. 7 л кайнар су агызып, төнгә калдырам. Иртән алмасын сөзеп алып, шул суны кайнатып чыгарам һәм кабат алмалар өстенә агызам. Кич, су суынгач, 3 л сокка 300 г исәбеннән шикәр комы салып, кайнатып чыгарам, аз гына лимон кислотасы өстим һәм банкаларга тутырып, калай капкач белән ябып, төреп куям.
Шикәр комын алмага карап кушарга кирәк. Баллырак алмага — киметергә, әчерәк икән, арттырырга мөмкин. Бик тәмле, кибет согы кебек килеп чыга. Су кушып та эчәргә була. Алмаларны тавыкларга бирәм, алар рәхәтләнеп ашый.
Рузалия САФИУЛЛИНА, Биектау районы Шигали авылы.