ЧИКЛӘВЕКНЕ СУДА ТОТАРГА КИРӘКМЕ?

Чикләвекне кулланыр алдыннан берничә сәгатькә суга салып торыгыз. Беренчедән, бу чикләвекне чистарта. Җыйганда, алып кайтканда, аңа тузан, пычрак эләгә. Икенчедән, җебетелгән чикләвек яхшырак үзләштерелә.
Чи чикләвектә фитин кислотасы күп, ул авыр үзләштерелә, ашказанына авырлык китерә, эч күперүгә сәбәпче була. Чикләвектәге дуплаучы матдәләр аңа әче тәм бирә. Җебетелгән чикләвек ашказанына җиңелрәк, тәме яхшыра, йомшара.
Чикләвекне ничек җебетергә? Кыздырылмаган чикләвеккә күмелерлек су салып, бүлмәдә берничә сәгать яки төн буе тотарга. Аннан суын саркытырга һәм чайкатырга кирәк. Үргәнен көтмәгез, үрә башлау белән чикләвек барлык файдалы матдәләрен шытымына бирә. Җебетелгән чикләвекне суыткычта өч көн саклап була. Озаграк сакларга туры килсә, таратып киптерергә һәм коры табада аз гына киптереп алырга кирәк.