Песинең үсемлекләргә, гөлләргә тиюенең төп сәбәбе — витаминнар җитмәү һәм ашкайнату-эчәк тракты эшчәнлеген яхшыртырга тырышу.
Кайбер үләннәр песине костыра, эшкәртелмәгән ризыктан котылырга булыша. Икенче сәбәп — ашказанында йон җыелу. Песиләр туктаусыз юына, үзен ялый, йон йота. Бу аның паразитлардан интегүен дә күрсәтә ала. Стресс та сәбәпче була ала, песи үлән чәйнәп тынычлана.
Песигә зыянлы гөлләр бар. Диффенбахия, гортензия, филодендрон, каладиум, азалия, молочай, бегония, яран, азалия, сансевиерия, антуриумның яфраклары агулы.
Песиегез гөлләргә, үсентеләргә тия икән, аңа яшел үлән үстерегез. Солы, бодай, арпа чәчәргә була. Бөртеклеләр тиз үсә, тәрәзә төбендәге газон песигә ошар, гөлләргә, үсентеләргә игътибары кимер.
Гөлләрнең туфрагын казымасын өчен, очлы ягы белән теш чистарткыч таякчыклар кадап чыгыгыз. Бакчачылык кибетләрендә махсус сеткалар сатыла.
